Category: Kerala

കണ്ണൂർ: അധ്യാപകനെ പോക്സോ കേസിൽ കുടുക്കാൻ ശ്രമം. അമ്മയ്ക്കും പ്രധാനാധ്യാപകനും പിടിഎ പ്രസിഡന്റിനുമെതിരെ കേസെടുത്തു. അധ്യാപകനെ പുറത്താക്കുന്നതിനായി സ്കൂൾ മാനേജ്മെന്റ് നിർദേശപ്രകാരമാണ് കുട്ടിയുടെ അമ്മ പരാതി നൽകിയതെന്ന് പൊലീസ് അറിയിച്ചു. കണ്ണൂർ കടമ്പൂർ ഹയർ സെക്കൻഡറി സ്കൂളിലാണ് സംഭവം. വിദ്യാർഥിനികൾ വസ്ത്രം മാറുന്ന മുറിയിൽ എത്തി അധ്യാപകൻ ലൈംഗിക ചേഷ്ടകൾ കാണിച്ചു എന്നായിരുന്നു പരാതി നൽകിയിരുന്നത്. ഹൈക്കോടതി നിർദേശപ്രകാരം നടത്തിയ അന്വേഷണത്തിൽ പരാതി വ്യാജമാണെന്ന് പൊലീസ് കണ്ടെത്തി. അധ്യാപകൻ ഒരു വർഷമായി സസ്പെൻഷനിൽ കഴിയുകയാണ്

കോട്ടയം: സംസ്ഥാനത്ത് നിപ്പ വൈറസ് ബാധ റിപ്പോർട്ട് ചെയ്തതിനെ തുടർന്നുള്ള ജില്ലയിലെ മുന്നൊരുക്കങ്ങൾ വിലയിരുത്താൻ യോഗം ചേർന്നു. യോഗത്തിൽ ജില്ലാ മെഡിക്കൽ ഓഫീസർ ഡോ എൻ. പ്രിയ, കോട്ടയം മെഡിക്കൽ കോളേജ് പ്രിൻസിപ്പൽ ഡോ. എസ് ശങ്കർ, സൂപ്രണ്ട് ഡോ. ടി. കെ ജയകുമാർ, ആരോഗ്യ കേരളം ജില്ല പ്രോഗ്രാം മാനേജർ ഡോ. അജയ് മോഹൻ, ഡെപ്യൂട്ടി സൂപ്രണ്ട് ഡോ. ആർ. രതീഷ്‌കുമാർ, ഇൻസ്റ്റിറ്റ്യൂട്ട് ഓഫ് ചൈൽഡ് ഹെൽത്ത് സൂപ്രണ്ട് ഡോ. കെ.പി. ജയപ്രകാശ്, സാംക്രമിക രോഗ […]

കാസര്‍കോഡ് മഞ്ചേശ്വരത്ത് നിരോധിത പുകയില ഉത്പന്നങ്ങള്‍ പിടികൂടി. കാറില്‍ പുകയില ഉത്പന്നങ്ങള്‍ കടത്തിയ രണ്ടു പേര്‍ക്കെതിരെ കേസെടുത്തു.മഞ്ചേശ്വരം എക്‌സൈസ് ചെക്ക് പോസ്റ്റില്‍ നടത്തിയ വാഹന പരിശോധനയിലാണ് നിരോധിത പുകയില ഉത്പനങ്ങള്‍ പിടികൂടിയത്. കാസറഗോഡ് ഉളിയത്തടുക്ക സ്വദേശി കെ. അന്‍വര്‍ അലി, ചെര്‍ക്കള സ്വദേശി മൊയ്തു.ബി എന്നിവരാണ് കര്‍ണാടകയില്‍ നിന്ന് കാറില്‍ പുകയില ഉത്പന്നങ്ങള്‍ കടത്താന്‍ ശ്രമിച്ചത്. ഇരുവര്‍ക്കുമെതിരെ കോട്പ നിയമ പ്രകാരം കേസെടുത്തു. 240 കിലോ ഗ്രാം നിരോധിത പുകയില ഉത്പന്നങ്ങളാണ് കാറില്‍ നിന്ന് കണ്ടെത്തിയത്.

പാവപ്പെട്ട റബ്ബർ കർഷകർക്ക് തറവില 250 രൂപ നൽകും എന്ന് പറഞ്ഞ് അധികാരത്തിൽ വന്നവർ അടുത്ത തിരഞ്ഞെടുപ്പിലും വാഗ്ദാനം ആവർത്തിച്ചതല്ലാതെ കർഷകർക്കായി ഒന്നും ചെയ്തില്ല. ഇത് മറച്ച് വയ്ക്കാനായി നിരന്തരമായി കേന്ദ്ര സർക്കാരിനും റബ്ബർ ബോർഡിനും എതിരെ വ്യാപകമായി വ്യാജപ്രചരണങ്ങൾ നടത്തുകയും സമരകോലാഹലങ്ങൾ നടത്തുകയുമായിരുന്നു എന്ന് റബ്ബർ ബോർഡ് എക്സിക്യൂട്ടീവ് അംഗം എൻ.ഹരി. റബ്ബർ ബോർഡ് നിർത്തലാക്കുന്നു ആസ്ഥാനം കോട്ടയത്ത് നിന്ന് മാറ്റുന്നു കപ്പ്ലoബ് ( ചിരട്ട പ്പാൽ) ഇറക്കുമതി തുടങ്ങിയ കാര്യങ്ങൾ ആയിരുന്നു പറഞ്ഞിരുന്നത്. ഇതെല്ലാം […]

തിരുവനന്തപുരം: പാറശാല ഷാരോൺ വധക്കേസിലെ പ്രതി ഗ്രീഷ്മയെ അട്ടക്കുളങ്ങര വനിതാ ജയിലിൽ നിന്നും മാറ്റി. മാവേലിക്കര സ്പെഷ്യൽ ജയിലിലേക്കാണ് ഗ്രീഷ്മയെ മാറ്റിയത്. അട്ടക്കുളങ്ങരയിൽ നിന്നും ഗ്രീഷ്മയടക്കം രണ്ട് തടവുകാരെ സഹതടവുകാരുടെ പരാതിയെ തുടർന്നാണ് മാറ്റിയത്. അട്ടക്കുളങ്ങര ജയിലിലായിരുന്നു കേസിൽ അറസ്റ്റിലായതു മുതൽ ഗ്രീഷ്മ തടവിൽ കഴിഞ്ഞിരുന്നത്. തമിഴ്നാട് പരിധിയിലെ പളുകലിലുള്ള വീട്ടിൽ വച്ച് കഴിഞ്ഞ വ‍ർഷം ഒക്ടോബർ 14നാണ് ഗ്രീഷ്മ കൃത്യം നടത്തിയത്. കാമുകനായിരുന്ന ഷാരോണിന് കഷായത്തിൽ വിഷം കലക്കി നൽകുകയായിരുന്നു. തുടർന്ന് ശാരീരിക അസ്വാസ്ഥ്യം നേരിട്ട […]