സൗത്ത് സുഡാനില് നിന്ന് കേരളത്തില് എത്തിയ സ്ത്രീയുടെ എബോള പരിശോധനാഫലം നെഗറ്റീവ്. കോട്ടയം മെഡിക്കല് കോളജില് നിരീക്ഷണത്തിലായിരുന്ന സ്ത്രീയെ ഡിസ്ചാര്ജ് ചെയ്തു. പരിശോധനയ്ക്കായി പൂനയിലെ നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയിലേക്ക് അയച്ച രക്ത സാമ്പിളുകളുടെ ഫലമാണ് നെഗറ്റീവ് ആയത്. അതേസമയം, സംസ്ഥാനത്ത് പകര്ച്ച വ്യാധികളുമായി ബന്ധപ്പെട്ട് ആശങ്ക തുടരുകയാണ്. ഇന്നലെ പകര്ച്ചപ്പനി ബാധിച്ച് ആശുപത്രികളില് ചികിത്സ തേടിയത് 13539 പേര്. പനി വ്യാപനം കൂടുതല് മലപ്പുറത്താണ്. 2734 പേര് മലപ്പുറത്ത് ചികിത്സ തേടി. ഇന്നലെ ഡെങ്കിപ്പനി സ്ഥിരീകരിച്ചത് 98 പേര്ക്കാണ്. 303 പേര് ഡെങ്കിപ്പനി ലക്ഷണങ്ങളോടെ ആശുപത്രികളില് ചികിത്സ തേടി.
