അമേരിക്ക മുന്നോട്ടുവച്ച നിര്ദേശങ്ങള്ക്ക് ഒടുവില് ഇറാന് വഴങ്ങിയെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ അവകാശവാദങ്ങള് തള്ളി ഇറാന്. ഒരു മണിക്കൂറില് ട്രംപ് ഏഴ് അവകാശവാദങ്ങള് നടത്തിയെങ്കിലും ഏഴ് അവകാശവാദവും തെറ്റാണെന്ന് ഇറാന് പാര്ലമെന്റ് സ്പീക്കര് മുഹമ്മദ് ബഗേര് ഗാലിബഫ് പറഞ്ഞു. നുണ പറഞ്ഞ് യുദ്ധം ജയിക്കാന് അമേരിക്കയ്ക്കാവില്ലെന്നും ഗാലിബഫ് പറഞ്ഞു. ഹോര്മുസ് കടലിടുക്കിലെ നിയന്ത്രണങ്ങള് സംബന്ധിച്ച വിവരങ്ങള് സമൂഹമാധ്യമത്തിലല്ല തീരുമാനിക്കുന്നത്. അത് സാഹചര്യങ്ങള് അനുസരിച്ചാണ്. അമേരിക്ക നാവിക ഉപരോധം നീക്കിയില്ലെങ്കില് ഹോര്മുസ് കടലിടുക്ക് വീണ്ടും അടയ്ക്കുമെന്നും ഇറാന് മുന്നറിയിപ്പ് നല്കി.
