Category: Kerala

തിരുവനന്തപുരം: ഏത് പ്രതിസന്ധിയിലും കെഎസ്‌ആര്‍ടിസിയെ സര്‍ക്കാര്‍ സംരക്ഷിക്കുമെന്ന് ധനമന്ത്രി കെ.എന്‍. ബാലഗോപാല്‍. ഒന്നാം പിണറായി വിജയന്‍ സര്‍ക്കാര്‍ 4700 കോടി രൂപയാണ് കെഎസ്‌ആര്‍ടിസിക്ക് നല്‍കിയത്. ഈ സര്‍ക്കാര്‍ ഇതുവരെ 4400 കോടി നല്‍കി കഴിഞ്ഞുവെന്നും അദ്ദേഹം പറഞ്ഞു. കെഎസ്‌ആര്‍ടിസിയെ ആധുനികവത്കരണത്തിലൂടെ കൂടുതല്‍ ജനകീയമായി മാറണം. ഇലക്‌ട്രിക് ബസുകള്‍ ഉള്‍പ്പടെ പുതിയ ബസുകള്‍ ഇറക്കും. കൊല്ലം, കൊട്ടാരക്കര ബസ് ഡിപ്പോകള്‍ നവീകരിക്കുമെന്നും മന്ത്രി പറഞ്ഞു.

കോഴിക്കോട്: കോഴിക്കോട് തൊട്ടില്‍പ്പാലത്ത് എംഡിഎംഎയുമായി ദമ്ബതികള്‍ പൊലീസ് പിടിയില്‍. വടകര സ്വദേശി ജിതിൻ ബാബു, ഭാര്യ സ്റ്റെഫി എന്നിവരാണ് പിടിയിലായത്.ഇവരില്‍ നിന്ന് 97 ഗ്രാം എംഡിഎംഎ കണ്ടെടുത്തു. ബംഗളുരുവില്‍ നിന്ന് വടകരയിലേക്ക് എംഡിഎംഎ കൊണ്ടുവരികയായിരുന്നു ഇവര്‍. ഇവര്‍ സഞ്ചരിച്ച കാറും പൊലീസ് പിടികൂടി. സംശയം തോന്നാതിരിക്കാൻ മകനെയും കാറില്‍ ഇരുത്തിയായിരുന്നു ദമ്ബതികള്‍ മയക്കുമരുന്ന് കടത്തിയത്. അറസ്റ്റിലായവരെ കോടതിയില്‍ ഹാജരാക്കി.

കൊച്ചി: ക്ഷേത്രത്തിലെ അയിത്ത വിവാദം അവസാനിച്ചുവെന്ന് മന്ത്രി കെ രാധാകൃഷ്ണൻ.മണിപ്പൂരിൽ സംഭവിച്ച പോലുള്ള കാര്യങ്ങൾ നമ്മുടെ നാട്ടിൽ നടക്കാതിരിക്കാൻ എല്ലാവരും ഉത്തരവാദിത്വത്തോടെ പെരുമാറണം. പല ജാതിമതങ്ങൾ ഉള്ള രാജ്യമാണ് നമ്മുടേത്.അവയെ ഉൾക്കൊള്ളുകയാണ് നമ്മുടെ സംസ്കാരം.ശബരിമലയെ പോലെ മതേതരത്വം ഉള്ള മറ്റൊരു ക്ഷേത്രം ലോകത്തു ഇല്ലെന്നും അദ്ദേഹം പറഞ്ഞു.സമൂഹം ചർച്ച ചെയ്യാനാണ് ദുരനുഭവം വെളിപ്പെടുത്തിയത്. ഒരു തെറ്റ് ഉണ്ടായത് ചൂണ്ടിക്കാണിച്ചു. തിരുത്താമെന്ന് ബന്ധപ്പെട്ടവർ അറിയിച്ചു. തുടർനടപടികളെ കുറിച്ച് ചിന്തിക്കുന്നില്ലെന്നും മന്ത്രി വ്യക്തമാക്കി.

കൊച്ചി: യുവാവിന്റെ മൂത്രസഞ്ചിയിൽ കുടുങ്ങിയ 2.8 മീറ്റർ നീളമുള്ള ചൂണ്ട നൂൽ ശസ്ത്രക്രിയയിലൂടെ പുറത്തെടുത്തു. 30 വയസുള്ള ബിഹാർ സ്വദേശിക്കാണ് ശസ്ത്രക്രിയ നടത്തിയത്. മൂത്രമൊഴിക്കുമ്പോൾ വേദനയും രക്തത്തിന്റെ സാന്നിധ്യവും കണ്ടെത്തിയതിനെ തുടർന്നാണ് ഇയാൾ എറണാകുളം ജനറൽ ആശുപത്രിയിൽ എത്തിയത്. രാത്രിയിൽ ലിംഗത്തിൽ ഉറുമ്പ് കടന്നുപോയതായി തോന്നലുണ്ടായതിനെ തുടർന്ന് കയ്യിൽ കിട്ടിയ ചൂണ്ടനൂൽ കടത്തിവിടുകയായിരുന്നു. എന്നാൽ അതിന് ഇത്രയും നീളം ഉണ്ടാകുമെന്ന് ഡോക്ടർ പോലും കരുതിയിരുന്നില്ല. സിസ്റ്റോസ്‌കോപ്പിക് ഫോറിൻ ബോഡി റിമുവൽ എന്ന മൈക്രോസ്‌കോപ്പിക് കീ ഹോൾ സർജറി […]

പാലക്കാട്: വാളയാറിൽ സഹോദരിമാർ ദുരൂഹസാഹചര്യത്തിൽ മരിച്ച കേസിലെ അന്വേഷണം മൂന്നാമതും അട്ടിമറിക്കാൻ ശ്രമിക്കുന്നുവെന്ന പരാതിയുമായി പെൺകുട്ടികളുടെ അമ്മ. സ്പെഷ്യൽ പബ്ലിക് പ്രോസിക്യൂട്ടർ നിയമനത്തിൽ സർക്കാരും സിബിഐയും ഒത്തുകളിക്കുകയാണെന്നും വിഷയത്തിൽ സർക്കാർ ഹൈക്കോടതിയിൽ മലക്കം മറിഞ്ഞെന്നും വിമർശനം. ”കേസിലെ സർക്കാർ, സിബിഐ നിലപാടുകൾ നിരാശാജനകമാണ്. ഞങ്ങളുടെ വക്കീലായി രാജേഷ് എം മേനോനെ വേണമെന്ന് ആവശ്യപ്പെട്ട് ഹൈക്കോടതിയിൽ അപേക്ഷ നൽകി. അദ്ദേഹത്തെ താരമെന്ന് സർക്കാർ പറയുകയും ചെയ്തു. പക്ഷേ വക്കീലായി സിബിഐക്ക് അദ്ദേഹത്തെ വേണ്ടെന്ന നിലപാടാണ്”. വാളയാർ പെൺകുട്ടികളുടെ അമ്മ […]

കൊച്ചി: നെടുമ്പാശ്ശേരിയിൽ നിന്നും പുറപ്പെടാനിരുന്ന സൗദി എയർലൈൻസിൽ നിന്നും 122 പേരെ ഇറക്കി വിട്ടു. ഇന്നലെ രാത്രിയിലായിരുന്നു സംഭവം. രാത്രി 8.30ന് പോകേണ്ടിയിരുന്ന വിമാനമാണിത്. എമർജൻസി ഡോറിന്റെ തകരാറാണ് കാരണമെന്നാണ് അധികൃതർ നൽകിയ വിശദീകരണം. എന്നാൽ ഇവരുടെ യാത്ര സംബന്ധിച്ച് ഇനിയും തിരുമാനമായില്ല. 122 പേരേ ഇറക്കിയ ശേഷം 160 യാത്രക്കാരുമായി രാത്രി 12.30 ന് വിമാനം പോയിരുന്നു. ബാക്കിയുള്ള യാത്രക്കാരെ ഇന്ന് ഉച്ചയ്ക്കും രാത്രിയിലുമായി മറ്റൊരു വിമാനത്തിൽ കയറ്റി അയച്ചേക്കും എന്നാണ് വിവരം.