അമേരിക്കയിലെ സാന്ഡിയാഗോയില് വെടിവയ്പ്. രണ്ട് അക്രമികള് ഉള്പ്പെടെ അഞ്ച് പേര് മരിച്ചു. ഇസ്ലാമിക് സെന്റര് ഓഫ് സാന്റിയാഗോ എന്ന പള്ളിയിലാണ് വെടിവയ്പ്പുണ്ടായത്. സാന്ഡിയാഗോയിലെ ഏറ്റവും വലിയ മസ്ജിദാണ് ഇസ്ലാമിക് സെന്റര് ഓഫ് സാന്റിയാഗോ. അവിടെയാണ് ആക്രമണമുണ്ടായത്. രണ്ട് കൗമാരക്കാരായ ആളുകളാണ് പള്ളിക്ക് നേരെ വെടിയുതിര്ത്തത്. സംഭവസ്ഥലത്ത് വച്ചുതന്നെ മൂന്ന് പേര് കൊല്ലപ്പെട്ടു. ആക്രമണം നടന്ന് തൊട്ടുപിന്നാലെ, തൊട്ടടുത്തുള്ള ഒരു തെരുവില് നിര്ത്തിയിട്ടിരുന്ന കാറിനുള്ളില് 17, 19 വയസ്് പ്രായമുള്ള രണ്ട് കൗമാരക്കാരുടെ മൃതദേഹങ്ങള് അന്വേഷണ ഉദ്യോഗസ്ഥര് കണ്ടെത്തി. കൊല്ലപ്പെട്ടവരില് ഒരാള് പള്ളിയിലെ സെക്യൂരിറ്റി ജീവനക്കാരനാണ്. ഇദ്ദേഹം കൃത്യമായി ഇടപെട്ടതുകൊണ്ടാണ് കൂടുതല് പേര് അക്രമത്തിന് ഇരയാകാഞ്ഞതെന്നാണ് വിവരം.
