വയനാട്: വീട്ടില് നിന്ന് വന്തോതില് വിദേശമദ്യവും ഇന്ത്യന് നിര്മ്മിത മദ്യവും പിടികൂടിയ കേസില് അറസ്റ്റിലായ റിപ്പോര്ട്ടര് ടി.വി മാനേജിങ് എഡിറ്റര് ആന്റോ അഗസ്റ്റിന്റെ ജാമ്യാപേക്ഷയില് വിധി ഇന്ന്. സുല്ത്താന് ബത്തേരി ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയാണ് ജാമ്യാപേക്ഷ പരിഗണിക്കുക. ഇന്നലെ 14 ദിവസത്തേക്കാണ് ആന്റോ അഗസ്റ്റിനെ റിമാന്ഡ് ചെയ്തത്. കൊച്ചിയിലെ റിപ്പോര്ട്ടര് ടി.വി ആസ്ഥാനത്തെത്തി വയനാട്ടില് നിന്നുള്ള എക്സൈസ് സംഘമാണ് ആന്റോ അഗസ്റ്റിനെ അറസ്റ്റ് ചെയ്തത്. അബ്കാരി ആക്ട് പ്രകാരം ജാമ്യമില്ലാ വകുപ്പുകളാണ് ഇയാള്ക്കെതിരെ ചുമത്തിയിരിക്കുന്നത്.
