റെയ്ഡിന് പിന്നാലെ സിഎംആര്എല് – എക്സാലോജിക് സാമ്പത്തിക ഇടപാടില് അന്വേഷണം കടുപ്പിക്കാന് എന്ഫോഴ്സ്മെന്റ് ഡയറക്ടറേറ്റ്. പിടിച്ചെടുത്ത രേഖകള് വിശദമായി പരിശോധിച്ച ശേഷമാകും തുടര്നടപടികള്. വീണ ടി അടക്കമുള്ളവര്ക്ക് നോട്ടീസ് നല്കി വിളിച്ചുവരുത്താനും തീരുമാനമുണ്ട്. വ്യാജ കണക്കുണ്ടാക്കാന് സിഎംആര്എല് പണം കൈമാറിയവരിലേക്കും അന്വേഷണം നീളും. ഇന്നലെ നടന്ന റെയ്ഡില് 242 അക്കൗണ്ടുകളിലായി 18 കോടി രൂപയോളം മരവിപ്പിച്ചിരുന്നു. ഇതില് വീണ ടിയുടെ ഒന്നരലക്ഷം രൂപയുള്ള ബാങ്ക് അക്കൗണ്ടും ഉള്പ്പെട്ടിട്ടുണ്ട്.
