Author: SwanthamLekhakan

പെരിന്തല്‍മണ്ണ: പരിയാപുരത്ത് ഡീസല്‍ ടാങ്കര്‍ അപകടത്തെ തുടര്‍ന്ന് ഡീസല്‍ ചോര്‍ച്ചയുണ്ടായി കിണറുകളിലെ വെള്ളം മലിനമായ സംഭവവുമായി ബന്ധപ്പെട്ട് പെട്രോളിയം കമ്പനി അധികൃതര്‍ക്ക് നോട്ടിസ് നല്‍കും . ഇന്നലെ ലീഗല്‍ സര്‍വീസസ് അതോറിറ്റിയുടെ നേതൃത്വത്തില്‍ നടന്ന യോഗത്തിലാണ് തീരുമാനം. ജല അതോറിറ്റി മൂന്ന് ദിവസം ഇടവിട്ട് നടത്തുന്ന ജല വിതരണത്തിന്റെ ഇടവേള കുറയ്ക്കാൻ ശ്രമം നടത്തും. കളക്ടറുടെ അനുമതിയില്ലാതെ ജലവിതരണം നടത്തുന്നതിലുള്ള സാങ്കേതിക പ്രതിസന്ധി പഞ്ചായത്ത് അധികൃതര്‍ യോഗത്തെ അറിയിച്ചു. ഇതിന്റെ അടിസ്ഥാനത്തില്‍ ദുരന്ത നിവാരണ വിഭാഗം അസി. […]

കൊച്ചി: കരുവന്നൂർ ബാങ്ക് തട്ടിപ്പിലെ കള്ളപ്പണ ഇടപാട് കേസിൽ മുൻ മന്ത്രി എ.സി മൊയ്തീന് എൻഫോഴ്സ്മെന്റ് ഡയറക്ടറേറ്റ് ഉടൻ നോട്ടീസ് അയക്കും. ഇന്നലെ കൊച്ചി ഓഫീസിൽ ചോദ്യം ചെയ്യലിനു ഹാജരാകാൻ ആവശ്യപ്പെട്ടിരുന്നെങ്കിലും നിയമസഭാംഗങ്ങളുടെ ക്ലാസ് നടക്കുന്നതിനാൽ ഹാജരാകാൻ കഴിയില്ലെന്ന് മൊയ്തീൻ ഇ.ഡിയെ അറിയിച്ചിരുന്നു. ഇതിന്റെ അടിസ്ഥാനത്തിലാണ് പുതിയ നോട്ടീസ് നൽകാനുള്ള അന്വേഷണ സംഘത്തിന്റെ തീരുമാനം. മൊയ്തീന്റെയും ഭാര്യയുടെയും പേരിലുള്ള സ്വത്തുക്കളുടെയും സാമ്പത്തിക ഇടപാടുകളുടെയും കൂടുതൽ രേഖകൾ ഹാജരാക്കാനും നിർദേശം നൽകിയിട്ടുണ്ട് . കഴിഞ്ഞതവണ ചോദ്യം ചെയ്യലിന് ഹാജരായപ്പോൾ […]

പരിയാരം : മീൻപിടിത്തത്തിനായി പോകുന്നതിനിടയിൽ കടലിൽ പാചകം ചെയ്യവേ പ്രഷർകുക്കർ പൊട്ടിത്തെറിച്ച് മത്സ്യത്തൊഴിലാളിക്ക് ഗുരുതരമായി പരിക്കേറ്റു. തെലങ്കാന സ്വദേശി മെദാഹരിയറിനാണ് (32) പരിക്കേറ്റത്. ബേപ്പൂരിൽനിന്ന് മീൻപിടിത്തത്തിനായി എത്തിയ ബോട്ടിലെ തൊഴിലാളിയാണ് ഇയാൾ. ബോട്ടിൽ പാചകം ചെയ്യുന്നതിനിടെ പ്രഷർകുക്കർ പൊട്ടിത്തെറിക്കുകയായിരുന്നു. ചൊവ്വാഴ്ച ഉച്ചയ്ക്ക് ഏഴിമലയ്ക്ക് സമീപം പുറംകടലിൽ ആണ് സംഭവം. ഉടൻതന്നെ കണ്ണൂരിലെ എ കെ ജി ആശുപത്രിയിലും തുടർന്ന് കണ്ണൂർ മെഡിക്കൽ കോളേജിലും എത്തിച്ചു. നില ഗുരുതരമായതിനാൽ പിന്നാലെ കോഴിക്കോട് മെഡിക്കൽ കോളേജ് ആശുപത്രിയിലേക്ക്‌ മാറ്റി.

തിരുവനന്തപുരം: കെ.എസ്.ആർ.ടി.സി.-യുടെ ഔദ്യോഗിക ബുക്കിംഗ് പ്ലാറ്റ്ഫോമുകളെപ്പോലെ വ്യാജ വെബ്സൈറ്റുകൾ പ്രവർക്കുന്നത് കാരണം ടിക്കറ്റ് ബുക്ക് ചെയ്യുന്നവർ ജാ​ഗ്രത പാലിക്കണമെന്ന് കെഎസ്ആർടിസി അറിയിച്ചു. കെ.എസ്.ആർ.ടി.സി ബുക്കിംഗിനുള്ള ഏക ഔദ്യോഗിക വെബ്സൈറ്റ് https://onlineksrtcswift.com മാത്രമാണ്. ബുക്കിംഗിനായി കെ.എസ്.ആർ.ടി.സിയെ പ്രതിനിധീകരിക്കുന്നുവെന്ന് അവകാശപ്പെടുന്ന മറ്റേതെങ്കിലും വെബ്സൈറ്റ് വ്യാജവും വഞ്ചനാപരവുമാണെന്ന് കെ.എസ്.ആർ.ടി.സി വാർത്താക്കുറിപ്പിൽ അറിയിച്ചു.

കൽപ്പറ്റ: വയനാട്ടിൽ ഭർത്താവ് ഭാര്യയെ കഴുത്ത് ഞെരിച്ച് കൊലപ്പെടുത്തി. വെണ്ണിയോട് കുളവയലിലെ അനിഷയാണ് കൊല്ലപ്പെട്ടത്. കൊലപാതകത്തിന് ശേഷം ഭർത്താവ് മുകേഷ് പൊലീസിൽ കീഴടങ്ങി. രാവിലെയാണ് അനിഷ കൊല്ലപ്പെടുന്നത്. ഭർത്താവ് മുകേഷ് കഴുത്തു ഞെരിച്ച് കൊന്നുവെന്നാണ് പുറത്തുവരുന്ന വിവരം. മർദ്ദനത്തിന് ശേഷമാണ് കൊലപാതകമെന്നാണ് പൊലീസ് പറയുന്നത്. 2022ലാണ് ഇരുവരുടേയും വിവാഹം കഴിയുന്നത്. എന്താണ് ഇത്തരത്തിലുള്ള പ്രകോപനത്തിന് കാരണമെന്ന് വ്യക്തമല്ല. മുകേഷിനെ പൊലീസ് ചോദ്യം ചെയ്ത് വരികയാണ്.

കടുത്തുരുത്തി: ഗവൺമെന്റ് സ്കൂളിന് മുൻവശം ചെറിയ പെട്ടിക്കടയിൽ ലോട്ടറി വിറ്റ് ഉപജീവനം നടത്തുന്ന അംഗ പരിമിതനായ കല്ലറ കളമ്പുകാട്ട് വീട്ടിൽ രമേശന്റെ കടയിൽ നിന്നാണ് പട്ടാപകൽ മോഷണം നടന്നത്. ചിട്ടി കിട്ടിയ വകയിൽ ലഭിച്ച തുകയും അമ്മയ്ക്കുള്ള മരുന്നുകളും, അമ്മയുടെ ഉൾപ്പെടെ രണ്ട് എടിഎം കാർഡും ഉൾപ്പെടെയുള്ള ബാഗാണ് മോഷണം പോയത്. രാവിലെ 9 മണിയോടെ പൈസ അടങ്ങിയ ബാഗ് കടയുടെ അകത്തുവച്ച് കടയുടെ പുറത്ത് റോഡിൽ നിന്ന് പതിവ് പോലെ ലോട്ടറി വിറ്റുകൊണ്ടിരുന്ന രമേശൻ വൈകിട്ട് […]