തിരുവനന്തപുരം: സംസ്ഥാനത്തു വേനൽക്കാലം എത്തുന്നതിനു മുന്നേ തന്നെ താപനില ഉയരുന്നതായി കാലാവസ്ഥാ വകുപ്പ് അറിയിച്ചു. ഇന്നും നാളെയും കണ്ണൂർ ജില്ലയിൽ 38 ഡിഗ്രി സെൽഷ്യസ് വരെയും കോട്ടയം ജില്ലയിൽ 37 ഡിഗ്രി സെൽഷ്യസ് വരെയും ആലപ്പുഴ-കോഴിക്കോട് ജില്ലയിൽ 36 ഡിഗ്രി സെൽഷ്യസ് വരെയും താപനില ഉയരാൻ സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്.
പകൽ 11 മണി മുതൽ 3 മണി വരെയുള്ള വെയിൽ ഏൽക്കാതിരിക്കാൻ ശ്രെമിക്കുക, പരമാവധി ശുദ്ധജലം കുടിക്കുക, കോട്ടൺ വസ്ത്രങ്ങൾ ധരിക്കുക, വെയിൽ നേരിട് ഏൽക്കാതിരിക്കാൻ കുടയോ തൊപ്പിയോ കയ്യിൽ കരുതുക. തുടങ്ങിയ നിർദ്ദേശങ്ങളാണ് കാലാവസ്ഥാവകുപ്പ് ജനങ്ങൾക് നൽകിയിരിക്കുന്നത്.
