വൈക്കം : നഗരസഭ 26-ാം വാർഡിൽ പൂന്തോടത്ത് ഭാഗത്തെയും ഉദയനാപുരം പഞ്ചായത്തിൻറെ ശ്രീനാരായണപുരം വിജാഗിരി ഫാക്ടറി റോഡിനെയും ബന്ധിപ്പിക്കുന്ന പാലത്തിന് എംഎൽഎ – സി കെ ആശ ശിലാ സ്ഥാപനം നിർവഹിച്ചു. പൂന്തോടത്ത് ചേർന്ന യോഗത്തിൽ വൈക്കം നഗരസഭ അധ്യക്ഷ പ്രീത രാജേഷ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡൻറ് എസ് ബിജു , ഉദയനാപുരം പഞ്ചായത്ത് പ്രസിഡൻറ് ശ്രീമതി പി കെ ആനന്ദവല്ലി , നഗരസഭ വൈസ് ചെയർമാൻ പി. റ്റി സുഭാഷ് വൈക്കം നഗരസഭ പൊതുമരാമത്തു ചെയർപേഴ്സൺ എസ് ഹരിദാസൻ നായർ, വിദ്യാഭ്യാസ സ്റ്റാൻ്റിംഗ് ചെയർപേഴ്സൺ ലേഖാ ശ്രീകുമാർ , എബ്രഹാം പഴയ കടവൻ, വാർഡ് കൗൺസിലർ അശോകൻ വെള്ളവേലി ,അഡ്വ. എ മനാഫ് , ഇ എൻ ചന്ദ്രബാബു തുടങ്ങിയവർ സംസാരിച്ചു എംഎൽഎ സി കെ ആശയുടെ ആസ്തി വികസന ഫണ്ടിൽ നിന്നും 65 ലക്ഷം രൂപ വകയിരുത്തിയാണ് നിർമ്മാണം നടത്തുന്നത്.
