ന്യൂഡൽഹി: കേരളത്തിന് അഭിമാനമായി കേന്ദ്ര മന്ത്രി സഭയിലെത്തിയ മന്ത്രിമാരായ സുരേഷ് ഗോപിയും ജോർജ് കുര്യനും ഇന്ന് ചുമതലയേൽക്കും. 11 മണിക്കാവും ചുമതലയേൽക്കുന്നത്. ടൂറിസം, പെട്രോളിയം ആൻഡ് നാച്ചുറൽ ഗ്യാസ് വകുപ്പ് സഹമന്ത്രി സ്ഥാനമാണ് സുരേഷ് ഗോപി ഏറ്റെടുക്കുന്നത്. ന്യൂനപക്ഷ ക്ഷേമം, ഫിഷറീസ്, മൃഗസംരക്ഷണം വകുപ്പ് സഹമന്ത്രി സ്ഥാനമാണ് ജോർജ് കുര്യൻ ഏറ്റെടുക്കുന്നത്.
പ്രധാന മന്ത്രി നരേന്ദ്ര മോദി ഇന്നലെ ചുമതല ഏറ്റിരുന്നു. മൂന്നാം മന്ത്രിസഭയിലെ മറ്റുള്ള മന്ത്രിമാരെല്ലാം ഇന്ന് ചുമതലയേൽക്കും.
