റഷ്യ-യുക്രൈന് യുദ്ധം അവസാനിപ്പിക്കുവാനുള്ള അമേരിക്കന് പ്രസിഡന്റ് ഡോണള്ഡ് ട്രംപിന്റെ സമാധാന പാക്കേജിനോട് സഹകരിക്കാന് തയ്യറാണെന്ന് വ്ളോദിമിര് സെലന്സ്കി. സമാധാന പാക്കേജിന്റെ കരട് ലഭിച്ച ശേഷം ആത്മാര്ഥമായി സഹകരിക്കുമെന്നാണ് സെലന്സ്കി അറിയിച്ചത്. പാക്കേജ് അംഗീകരിച്ചാല് നാറ്റോയില് ചേരാനുള്ള തീരുമാനത്തില് നിന്ന് യുക്രൈന് പിന്മാറേണ്ടി വരും എന്നുള്പ്പെടെ അഭ്യൂഹങ്ങളുയരുന്ന പശ്ചാത്തലത്തിലാണ് സെലന്സ്കിയുടെ ഈ സുപ്രധാന പ്രഖ്യാപനമെന്ന് ശ്രദ്ധേയമാണ്.
