സൈബർ തട്ടിപ്പുമായി ബന്ധപ്പെട്ട് നിരവധി വാർത്തകളാണ് അടുത്തിടെ പുറത്തു വരുന്നത്. പുതിയ കെണികൾ പരീക്ഷിക്കുന്നു എന്നതിനാൽ മുൻകരുതലുകൾ പലപ്പോഴും പാളിപ്പോകുകയാണ് ചെയ്യുന്നത്. അടുത്തിടെ വീഡിയോ കോളുകൾ മുഖേനയാണ് തട്ടിപ്പ് നടന്നു വരുന്നത്. ഇത് സംബന്ധിച്ച പരാതി വ്യാപകമായ പശ്ചാത്തലത്തിൽ കേരളാ പോലീസ് മുന്നറിയിപ്പ് നൽകിയിട്ടുണ്ട്. ഫേസ്ബുക്ക് പോസ്റ്റിലൂടെയാണ് ജാഗ്രതാ നിർദ്ദേശം നൽകിയത്.
