പ്രമുഖ ഏവിയേഷന്‍, ലോജിസ്റ്റിക്‌സ്, ഹോസ്പിറ്റാലിറ്റി കമ്പനിയായ ഐ.ബി.എസ് സോഫ്റ്റ്‌വെയര്‍ സംസ്ഥാനത്തെ രണ്ടാമത്തെ ക്യാംപസ് കൊച്ചി ഇന്‍ഫോപാര്‍ക്കില്‍ ആരംഭിക്കുന്നു. ആദ്യ ഘട്ടത്തില്‍ 4.2 ഏക്കറില്‍ 3.2 ലക്ഷം ചതുരശ്ര അടി വിസ്തീര്‍ണത്തില്‍ നിര്‍മിക്കുന്ന കെട്ടിടത്തില്‍ 14 നിലകളാണുള്ളത്. 3,000 പ്രൊഫഷണലുകള്‍ക്ക് ഒരേ സമയം ഇവിടെ ജോലിയെടുക്കാനാകും.
2005 മുതല്‍ ഇന്‍ഫോ പാര്‍ക്കില്‍ പ്രവര്‍ത്തിക്കുന്ന ഐ.ബി.എസ് ഇതുവരെ ലീസിനെടുത്ത ഓഫീസുകളിലാണ് പ്രവര്‍ത്തിച്ചു വന്നത്. തിരുവനന്തപുരത്ത് ടെക്‌നോപാര്‍ക്കില്‍ സ്വന്തമായി ഓഫീസ് കെട്ടിടമുണ്ട്. ഏവിയേഷന്‍, ഹോസ്പിറ്റാലിലിറ്റി, ക്രൂസ് മേഖല എന്നിവിടങ്ങളില്‍ ഗണ്യമായ വളര്‍ച്ചയാണ് ഐ.ബി.എസ് കരസ്ഥമാക്കിയത്.
