നടനും സംവിധായകനും നാടക നടനുമായിരുന്ന ഇഎ രാജേന്ദ്രന് അന്തരിച്ചു. കൊല്ലത്തെ വസതിയിലായിരുന്നു അന്ത്യം. അസുഖബാധിതനായി ചികിത്സയിലായിരുന്നു. കളിയാട്ടം, പട്ടാഭിഷേകം, തച്ചിലേടത്ത് ചുണ്ടന്, നരസിംഹം, മീശമാധവന് എന്നിവയുള്പ്പെടെ നിരവധി സിനിമകളില് അഭിനയിച്ചു. ക്യാരക്ടര് റോളും വില്ലന് റോളും ഒരുപോലെ വഴങ്ങുന്ന നടനായിരുന്നു. അറുപതോളം ചലച്ചിത്രങ്ങളിലെ ശ്രദ്ധേയ വേഷങ്ങള്ക്ക് പുറമേ ടെലിവിഷന് പരമ്പരകളിലെ പ്രധാന വേഷങ്ങളും കൈകാര്യം ചെയ്തിട്ടുണ്ട്. സംസ്ഥാന ഹോര്ട്ടികള്ച്ചര് കോര്പറേഷന് ചെയര്മാനായും ഇദ്ദേഹം പ്രവര്ത്തിച്ചിട്ടുണ്ട്.
