തിരുവനന്തപുരം: സംസ്ഥാനത്ത് ഇനി ഡ്രൈവിംഗ് പഠിക്കാനും ലൈസെൻസ് എടുക്കാനും ഡ്രൈവിംഗ് സ്കൂളുകളുടെ ആവശ്യം നിർബന്ധമില്ലെന്ന് സർക്കാർ. ഏതൊരാൾക്കും സ്വന്തമായി ഡ്രൈവിംഗ് പഠിച്ചു സ്വന്തം വാഹനത്തിൽ ടെസ്റ്റ് നടത്താനും ഇനി മുതൽ സാധിക്കും. അതിനുള്ള അവസരം ഒരുക്കിക്കൊണ്ട് പുതിയ വ്യവസ്ഥകൾക്ക് ഉത്തരവായി.
ലേണേഴ്‌സ് എടുത്ത വ്യക്തിക്ക് ലൈസൻസ് ഉള്ള ഒരാളുടെ സാന്നിധ്യത്തിൽ ഡ്രൈവിംഗ് പരിശീലിക്കാവുന്നതാണ്. ടെസ്റ്റിന് ഉപയോഗിക്കുന്ന വാഹനങ്ങളുടെ കാലാവധി 18 വർഷമായി ഉയർത്തുകയും ചെയ്തു.
