വരുന്ന 48 മണിക്കൂറിൽ ന്യൂനമർദ്ദം ശക്തി പ്രാപിക്കും. ഒറ്റപ്പെട്ട തീവ്രമായ മഴക്ക് സാധ്യതയുണ്ട്. ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടതും വടക്കൻ കേരളത്തിനു മുകളിലെ ചക്രവാതച്ചുഴിയുമാണ് മഴക്ക് കാരണം . പത്തനംതിട്ടയിലും ഇടുക്കിയിലും റെഡ് അലെർട് തുടരുകയാണ്. 8 ജില്ലകളിൽ ഓറഞ്ച് അലേർട്ടും നിലവിലുണ്ട്. കേരള – തെക്കൻ തമിഴ്നാട് തീരങ്ങളിൽ ഉയർന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
