കോട്ടയം: കടുത്തുരുത്തിയിൽ ഡ്രൈവിംഗ് സ്‌കൂള്‍ ഉടമയെ ക്ഷേത്രക്കുളത്തില്‍ മരിച്ചനിലയില്‍ കണ്ടെത്തി. കടുത്തുരുത്തി അഞ്ജലി ഡ്രൈവിംഗ് സ്‌കൂള്‍ ഉടമ വാലാച്ചിറ കാലായില്‍ സെബാസ്റ്റ്യനെ(57) ആണ് മരിച്ച നിലയിൽ കണ്ടെത്തിയത്.
വെള്ളിയാഴ്ച ഉഴവൂരില്‍ ഡ്രൈവിംഗ് ടെസ്റ്റില്‍ പങ്കെടുക്കുന്നതിന് വിദ്യാർത്ഥികളുമായി പോയ സെബാസ്റ്റ്യനെ പിന്നീട് കാണാതാകുകയായിരുന്നു. ഉച്ചയ്ക്ക് ശേഷം മൊബൈലില്‍ പല തവണ ബന്ധപ്പെട്ടെങ്കിലും എടുത്തില്ലെന്ന് സഹപ്രവര്‍ത്തകര്‍ പറയുന്നു. രാത്രിയോടെ ഫോണ്‍ സ്വിച്ച് ഓഫ് ആയി. ഇതോടെ ബന്ധുക്കള്‍ കടുത്തുരുത്തി പൊലീസില്‍ പരാതി നല്‍കി.
