News Portal
മൂന്നാം മോദി സർക്കാരിന്റെ സത്യപ്രതിജ്ഞ ഞായറാഴ്ച നടത്താൻ തീരുമാനിച്ചു. ശനിയാഴ്ച രാത്രി 8 നു നടത്താനായിരുന്നു നേരത്തെ നിശ്ചയിച്ചിരുന്നത്. അത് മാറ്റി ഞായറാഴ്ച വൈകിട്ട് 6 നു നടത്താൻ തീരുമാനിച്ചു . ബി ജെ പി നേതാക്കളായ അമിത് ഷായും രാജ് നാഥ്‌ സിങ്ങും പാർട്ടി അധ്യക്ഷൻ ജെ. പി. നഡ്ഡയുടെ വസതിയിൽ ചർച്ചകൾ നടത്തി വരികയാണ്. വെള്ളിയാഴ്ച ഡൽഹിയിൽ ചേരുന്ന യോഗത്തിലേക്ക് എല്ലാ പാർട്ടി എം പി മാരെയും മുഖ്യമന്ത്രിമാരെയും ബിജെപി ക്ഷണിച്ചിട്ടുണ്ട്.
Continue Reading
ന്യൂഡൽഹി: മൂന്നാം തവണയും എൻ ഡി എ സർക്കാർ അധികാരത്തിൽ കയറുന്നതിന്റെ ഭാഗമായി രണ്ടാം എൻ ഡി എ സർക്കാരിന്റെ പ്രധാനമന്ത്രി പദവിയിൽ നിന്നും നരേന്ദ്രമോദി രാജി വെച്ചു. രാഷ്‌ട്രപതി ദ്രൗപദി മുർമു വിനാണ് രാജിക്കത്ത് കൈമാറിയത്. പുതിയ സർക്കാർ അധികാരത്തിലെത്തുന്നത് വരെ മന്ത്രിസഭ തുടരാൻ രാഷ്‌ട്രപതി ആവശ്യപ്പെട്ടു. ജൂൺ 16 വരെയാണ് ഈ സർക്കാരിന്റെ കാലാവധി. മൂന്നാം എൻ ഡി എ സർക്കാർ ശനിയാഴ്ച സത്യപ്രതിജ്ഞ ചെയ്യുമെന്നാണ് സൂചന.
Continue Reading
ന്യൂഡൽഹി: 2024 ലോക്സഭാ തിരഞ്ഞെടുപ്പിൽ എൻ ഡി എ വിജയിച്ചു. കേന്ദ്ര മന്ത്രി സഭാ യോഗം ഇന്ന് ചേരും. ബി ജെ പി നേതാക്കളും എൻ ഡി എ നേതാക്കളും യോഗത്തിൽ പങ്കെടുക്കും. രണ്ടാം മോദി സർക്കാരിന്റെ അവസാന മന്ത്രി സഭാ യോഗമാണിത്. സത്യപ്രതിജ്ഞക്കുള്ള ഒരുക്കത്തിലാണ് എൻ ഡി എ. കേന്ദ്ര മന്ത്രിമാർ ആരൊക്കെയായിരിക്കും ഓരോരുത്തർക്കും ഏതൊക്കെ വകുപ്പുകൾ ലഭിക്കും തുടങ്ങിയ കാര്യങ്ങളെല്ലാം ഇന്ന് ചർച്ച ചെയ്യും.
Continue Reading
തൃശ്ശൂർ: വടക്കുംനാഥന്റെ മണ്ണിൽ താമര വിരിയിച്ചു കൊണ്ട് സുരേഷ് ഗോപി വിജയിച്ചു. ഇന്ന് തൃശ്ശൂരിൽ എത്തുന്ന സുരേഷ് ഗോപിക്ക് വൻ സ്വീകരണമാണ് ബി ജെ പി പ്രവർത്തകർ ഒരുക്കുന്നത്. 4,09,302 വോട്ടുകൾ നേടിയാണ് സുരേഷ് ഗോപി വിജയിച്ചത്. കേരളത്തിൽ അക്കൗണ്ട് തുറക്കും എന്ന ലക്ഷ്യത്തിൽ പ്രധാന മന്ത്രി നരേന്ദ്ര മോദി നിരവധി തവണ കേരളത്തിൽ വന്നിരുന്നു.
Continue Reading
തിരുവനന്തപുരം: തദ്ദേശ വാർഡ് പുനർവിഭജനത്തിനുള്ള ഓർഡിനൻസ് മടക്കി ഗവർണർ ആരിഫ് മുഹമ്മദ് ഖാൻ. പെരുമാറ്റച്ചട്ടം നിലനിൽക്കുന്നതിനാലാണെന്നാണ് രാജ്ഭവന്റെ മറുപടി. തിരഞ്ഞെടുപ്പ് കമ്മീഷന്റെ അനുമതി വാങ്ങണമെന്നും രാജ്ഭവൻ വ്യക്തമാക്കി. ഇത് സംബന്ധിച്ച് തിരഞ്ഞെടുപ്പ് കമ്മീഷന്റെ അനുമതി തേടാനൊരുങ്ങുകയാണ് സർക്കാർ.
Continue Reading
ന്യൂഡൽഹി: മിന്നൽ പണി മുടക്ക് നടത്തിയ ജീവനക്കാർക്കെതിരെ നടപടിയെടുത്ത് എയർ ഇന്ത്യ. ജോലിക്ക് എത്താതിരുന്ന ജീവനക്കാർക്ക് പിരിച്ചുവിടൽ നോട്ടീസ് നൽകുമെന്ന് എയർ ഇന്ത്യ അറിയിച്ചു. സർവിസുകൾ റദ്ദാക്കിയത് മൂലം യാത്രക്കാർക്ക് ഉണ്ടായ ബുദ്ധിമുട്ടും കമ്പനിയുടെ വിശ്വാസ്യതക്ക് നേരിട്ട കോട്ടവും കണക്കിലെടുത്താണ് ജീവനക്കാർക്കെതിരെ നടപടിയെടുത്തത്. ശമ്പളം ഉൾപ്പെടെയുള്ള കാര്യങ്ങളിൽ കമ്പനി യുടെ ഭാഗത്തു നിന്നും അനുകൂല നടപടി ഉണ്ടാവാത്തതിനെ തുടർന്നാണ് ജീവനക്കാർ പണിമുടക്ക് നടത്തിയതെന്നാണ് വിശദീകരണം.
Continue Reading
ലോക്സഭാ തിരഞ്ഞെടുപ്പിന്റെ മൂന്നാം ഘട്ടം ഇന്ന്. രാവിലെ 7 മണി മുതൽ വൈകിട്ട് 5 മണി വരെയാണ് പോളിംഗ്. 93 മണ്ഡലങ്ങളിലേക്കാണ് തിരഞ്ഞെടുപ്പ് നടക്കുന്നത്. പ്രധാന മന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ ഉൾപ്പെടെയുള്ള നിരവധി പ്രമുഖർ ഈ ഘട്ടത്തിലാണ് ജന വിധി തേടുന്നത്. സജീവ പങ്കാളിത്തം ജനാധിപത്യത്തിന്റെ ഭംഗി വർധിപ്പിക്കുമെന്ന് പ്രധാന മന്ത്രി എക്‌സിൽ കുറിച്ചു.
Continue Reading
പാലക്കാട്: കനത്ത ചൂടിലും പ്രധാനമന്ത്രിയുടെ വരവിനു വൻ സ്വീകരണമാണ് പാലക്കാട്ടെ ജനങ്ങൾ നൽകിയത്. കേരളത്തിലെ മറ്റ് മണ്ഡലങ്ങളിലേക്കും അദ്ദേഹം എത്തുമെന്നാണ് കെ. സുരേന്ദ്രൻ മാധ്യമങ്ങളോട് പറഞ്ഞത്. ലോക്സഭാ തിരഞ്ഞെടുപ്പ് തീയതി പ്രഖ്യാപിച്ചതിനു ശേഷമുള്ള പ്രധാന മന്ത്രിയുടെ കേരളത്തിലെ ആദ്യത്തെ റോഡ് ഷോ ആണ് ഇന്ന് പാലക്കാട് നടന്നത്.
Continue Reading
ഗഗൻയാൻ ദൗത്യത്തെ നയിക്കുന്നത് മലയാളി. കേരളത്തിന് ഇത് അഭിമാന നിമിഷം. ഗഗൻയാൻ ദൗത്യ സംഘത്തെ പ്രഖ്യാപിച്ച് പ്രധാന മന്ത്രി നരേന്ദ്രമോദി. 4 പേരാണ് സംഘത്തിൽ ഉള്ളത്. പാലക്കാട് നെന്മാറ സ്വദേശി പ്രശാന്ത് ബാലകൃഷ്ണൻ നായർ ദൗത്യസംഘ തലവൻ. അംഗദ് പ്രതാപ്, അജിത് കൃഷ്ണൻ, ശുഭാംശു ശുക്ല എന്നിവരും സംഘത്തിലുണ്ട്. ഗഗൻയാൻ ദൗത്യത്തിനുള്ള ബഹിരാകാശ സഞ്ചാരികളായി തെരഞ്ഞെടുക്കപ്പെട്ട നാല് പേ‌ർക്കും പ്രധാനമന്ത്രി നരേന്ദ്ര മോദി ആസ്ട്രനോട്ട് ബാഡ്ജുകളും സമ്മാനിച്ചു. 4 പേരിൽ 3 പേരാണ് ബഹിരാകാശത്തേക്ക് പോകുന്നത്.
Continue Reading
തിരുവനന്തപുരം: ട്രെയിൻ യാത്രക്കാർക്ക് സന്തോഷവാർത്തയുമായി ഇന്ത്യൻ റെയിൽവേ. പാസഞ്ചർ ട്രെയിനുകളുടെ മിനിമം ചാർജ് 30 ൽ നിന്നും 10 രൂപ ആക്കാൻ തീരുമാനം. യു ടി എസ് വഴി നിരക്ക് ഈടാക്കി തുടങ്ങി. കോവിഡ് കാലത്തിനു ശേഷമാണു പാസഞ്ചർ, മെമു ട്രെയിനുകൾ എക്സ്പ്രസ് ട്രെയിനുകളായി മാറ്റിയതും നിരക്ക് 10 രൂപയിൽ നിന്ന് 30 രൂപയിലേക്ക് ഉയർത്തിയതും. ഇപ്പോൾ വീണ്ടും പഴയ നിരക്കിലേക്ക് മാറ്റിയിരിക്കുകയാണ്.
Continue Reading