Author: SwanthamLekhakan

കടുത്തുരുത്തി: കോട്ടയം മെഡിക്കൽ കോളേജ് ആശുപത്രിയിൽ റുമറ്റോളജി (വാതരോഗം) യൂണിറ്റ് ആരംഭിച്ചു. മെഡിക്കൽ കോളേജ് പ്രിൻസിപ്പൽ ഡോ.എസ്.ശങ്കർ ഉദ്ഘാടനം ചെയ്തു. സൂപ്രണ്ട് ഡോ.ടി.കെ ജയകുമാർ, വൈസ് പ്രിൻസിപ്പാൽ ഡോ.വർഗീസ് പുന്നൂസ്, ഡെപ്യൂട്ടി സൂപ്രണ്ട് ഡോ.രതീഷ് കുമാർ, മെഡിസിൻ വിഭാഗം മേധാവി ടി.ആർ ഡോ.രാധാ, എ.ആർ.എം.ഒ ഡോ.അഞ്ജലി, റുമറ്റോളജിസ്റ്റ് ഡോ.ജി.ഹരികൃഷ്ണൻ എന്നിവർ പങ്കെടുത്തു. വാതരോഗ ഒ.പി ആഴ്ചയിൽ രണ്ട് ദിവസമായി (തിങ്കൾ, വ്യാഴം) വർദ്ധിപ്പിച്ചു. വാതരോഗികൾക്കായി പ്രത്യേക വാർഡും സജ്ജമാക്കിയിട്ടുണ്ട്.

ചിങ്ങവനം: ഹോട്ടൽ ജീവനക്കാരനായ യുവാവിനെ ആക്രമിച്ചു കൊലപ്പെടുത്താൻ ശ്രമിച്ച കേസിൽ രണ്ടുപേരെ പോലീസ് അറസ്റ്റ് ചെയ്തു. പനച്ചിക്കാട് കുഴിമറ്റം ഭാഗത്ത് മീനചിറകരോട്ട് വീട്ടിൽ അർജുൻ രാജ് (24), പനച്ചിക്കാട് കുഴിമറ്റം ഭാഗത്ത് മീനചിറകരോട്ട് വീട്ടിൽ ആദർശ് എം.പി (19) എന്നിവരെയാണ് ചിങ്ങവനം പോലീസ് അറസ്റ്റ് ചെയ്തത്. ഇവർ ഇരുവരും ചേർന്ന് തിങ്കളാഴ്ച രാത്രി 11:00 മണിയോടുകൂടി പരുത്തുംപാറ,സായിപ്പ് കവല ഭാഗത്ത് വില്ലേജ് ഓഫീസിന് സമീപം വച്ച് കുഴിമറ്റം സ്വദേശിയായ യുവാവിനെ ആക്രമിച്ചു കൊലപ്പെടുത്താൻ ശ്രമിക്കുകയായിരുന്നു. ഹോട്ടൽ ജീവനക്കാരനായ […]

തിരുവനന്തപുരം: സംസ്ഥാനത്തെ പിന്നാക്ക സമുദായ പട്ടിക വിപുലീകരിക്കുന്നു. പിന്നാക്ക സമുദായ കമ്മീഷന്റെ റിപ്പോര്‍ട്ട് മന്ത്രിസഭായോഗം അംഗീകരിച്ചതോടെ ചക്കാല നായര്‍, പണ്ഡിതര്‍, ദാസ, ഇലവാണിയര്‍ സമുദായങ്ങളെക്കൂടി പുതുതായി ഒബിസി പട്ടികയില്‍ ഉള്‍പ്പെടുത്തും. നിലവില്‍ 80 സമുദായങ്ങളാണ് സംസ്ഥാന ഒബിസി വിഭാഗത്തിലുളളത്. പട്ടിക വിപുലീകരണം നേരത്തെ പരിഗണിച്ചിരുന്നെങ്കിലും, പുതുപ്പളളി ഉപതെരഞ്ഞെടുപ്പിന്റെ പെരുമാറ്റച്ചട്ടം കണക്കിലെടുത്ത് മാറ്റി വെക്കുകയായിരുന്നു.

കാസര്‍കോട് : എം.ഡി.എം.എ. യുമായി യുവാവിനെ ചന്തേര പോലീസ് പിടികൂടി. പിലിക്കോട് മട്ടലായിയിലെ കുന്നുമ്മല്‍ സുബിൻരാജ് (26) നെയാണ് ചന്തേര ഇൻസ്പെക്ടര്‍ ജി.പി.മനുരാജും സംഘവും അറസ്റ്റ് ചെയ്തത്.പെട്രോള്‍ പമ്ബിന് സമീപത്തുവെച്ചാണ് യുവാവ് പിടിയിലായത്. 0.9 ഗ്രാം എം.ഡി.എം.എ. യുവാവില്‍നിന്ന്‌ കണ്ടെടുത്തു. ഹൊസ്ദുര്‍ഗ് ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ യുവാവിനെ രണ്ടാഴ്ചത്തേക്ക് റിമാൻഡ് ചെയ്തു.

കറുകച്ചാൽ: കറുകച്ചാൽ ബസ് സ്റ്റാൻഡിനു സമീപ ഹോട്ടലിൽ കയറി മോഷണം നടത്തിയ കേസിൽ ജീവക്കാരനായ യുവാവിനെ പോലീസ് അറസ്റ്റ് ചെയ്തു. തിരുവനന്തപുരം പെരിങ്ങമല കൊല്ലരുകോണം ഭാഗത്ത് കുന്നുംപുറത്ത് വീട്ടിൽ രതീഷ് കുമാർ എം.ബി (42)എന്നയാളെയാണ് കറുകച്ചാൽ പോലീസ് അറസ്റ്റ് ചെയ്തത്. ഇയാൾ കഴിഞ്ഞ ദിവസം വെളുപ്പിനെ കറുകച്ചാൽ ബസ് സ്റ്റാൻഡിന് സമീപമുള്ള ഗ്രീൻ ഹൗസ് എന്ന ഹോട്ടലിൽ നിന്നും മൊബൈൽ ഫോണും, ടാബും, ഹോട്ടലിലെ കൗണ്ടർ കുത്തി തുറന്ന് അതിൽ ഉണ്ടായിരുന്ന പണവും അപഹരിച്ച് കടന്നു കളയുകയായിരുന്നു. […]