News Portal
എറണാകുളം: കാക്കനാട് ഇടച്ചിറയിലുള്ള കടയിൽ നിന്ന് ചപ്പാത്തി കഴിച്ച ഒരു കുടുംബത്തിലെ 4 പേർക്ക് ഭക്ഷ്യ വിഷ ബാധഏറ്റു. ഭക്ഷ്യവിഷബാധയേറ്റ രണ്ടര വയസുള്ള കുട്ടി ഗുരുതരാവസ്ഥയിലാണ്. ഇടച്ചിറയിലെ റാഹത് ഹോട്ടലിൽ ആണ് സംഭവം. ഹോട്ടൽ അടച്ചു പൂട്ടാൻ തൃക്കാക്കര നഗരസഭാ ആരോഗ്യവിഭാഗം നിർദ്ദേശം നൽകി. ഹോട്ടലിനു നഗരസഭയുടെ ലൈസൻസും ഭക്ഷ്യസുരക്ഷാവകുപ്പിന്റെ ലൈസൻസും ഇല്ലായിരുന്നു
Continue Reading
കൊച്ചി: നിയമ വിദ്യാർഥിനിയായ ജിഷയെ ബലാൽസംഘം ചെയ്ത് കൊലപ്പെടുത്തിയ കേസിലെ പ്രതിയുടെ വധശിക്ഷക്ക് ഹൈക്കോടതി ശരി വെച്ചു. അപൂർവങ്ങളിൽ അപൂർവം എന്ന് ചൂണ്ടിക്കാട്ടിയാണ് അമീറുൽ ഇസ്‌ലാമിന് വിചാരണ കോടതി വധശിക്ഷ വിധിച്ചത്. 2016 ഏപ്രിൽ 28 നു ആയിരുന്നു പ്രതി അമീറുൽ ഇസ്ലാം പെരുമ്പാവൂരിലെ വീട്ടിൽ വെച്ച് നിയമ വിദ്യാർത്ഥിനിയെ അതിക്രൂരമായി കൊലപ്പെടുത്തിയത്. അതേ വർഷം ജൂൺ 16 നു ആണ് പ്രതി പിടിയിലായത്.
Continue Reading
ഇടുക്കി: കനത്ത മഴ തുടരുന്ന സാഹചര്യത്തിൽ ഇടുക്കിയിലെ മലയോര മേഖലകളിലെ രാത്രി യാത്ര നിരോധിച്ചു. രാത്രി 7 മുതൽ രാവിലെ 5 വരെയാണ് നിരോധനം. വ്യാഴാഴ്ച വരെ കേരളത്തിൽ മഴ തുടരുമെന്നാണ് കാലാവസ്ഥ വകുപ്പ് അറിയിച്ചിരിക്കുന്നത്. ഇടുക്കി, കോട്ടയം, ആലപ്പുഴ, പത്തനംതിട്ട ജില്ലകളിൽ ഇന്നും നാളെയും റെഡ് അലെർട് പ്രഖ്യാപിച്ചിട്ടുണ്ട്. കേരളത്തിൽ ഇപ്പോൾ ലഭിച്ചുകൊണ്ടിരിക്കുന്ന വേനൽ മഴ കൂടുതൽ ശക്തമായി. ന്യൂനമർദ്ദം ബംഗാൾ ഉൾക്കടലിൽ രൂപപെടുന്നതിൻ്റെ ഭാഗമായാണ് ഇപ്പോൾ ലഭിക്കുന്ന കനത്ത മഴ.
Continue Reading
ടെഹ്‌റാൻ: ഇറാൻ പ്രസിഡന്റ് സഞ്ചരിച്ച ഹെലികോപ്റ്റർ അപകടത്തിൽപെട്ട് പൂർണമായി കത്തി നശിച്ചു. അപകടത്തിൽ ഇറാൻ പ്രസിഡന്റ് ഇബ്രാഹിം റെയ്‌സി കൊല്ലപ്പെട്ടു. പൂർണമായി കത്തി നശിച്ച ഹെലികോപ്റ്ററിൽ ആരും തന്നെ അവശേഷിക്കുന്നില്ലെന്നാണ് റിപ്പോർട്ട്. ഇബ്രാഹിം റെയ്സിക്കൊപ്പം അപകടത്തിൽപ്പെട്ട വിദേശകാര്യമന്ത്രി അമീർ അബ്ദുല്ലാഹിയാനും മരിച്ചു. പ്രതികൂല കാലാവസ്ഥ കാരണം മലയിടുക്കിൽ തട്ടിയതാവാം അപകട കാരണമെന്ന് വിലയിരുത്തുന്നു.
Continue Reading
തിരുവനന്തപുരം: നാലു വർഷ ബിരുദ കോഴ്‌സുകളിൽ തിരഞ്ഞെടുത്ത വിഷയം പഠിക്കാൻ ബുദ്ധിമുട്ടാണെങ്കിൽ മറ്റു വിഷയത്തിലേക്ക് മാറാൻ അവസരമുണ്ട്. രണ്ട് സെമസ്റ്റർ പൂർത്തിയായതിനു ശേഷം മാത്രമേ മാറാൻ പറ്റുകയുള്ളു. കോഴ്സിനിടെ ഒരു തവണയേ ഈ മാറ്റം അനുവദിക്കുകയുള്ളു. സയൻസ് വിഷയം മേജർ ആക്കിയെടുത്തവർക്ക് ആർട്സിലേക്കോ ഭാഷാ വിഷയങ്ങളിലേക്കോ മാറാം. മൈനർ വിഷയങ്ങളായി സംഗീതമോ സാഹിത്യമോ വിദേശഭാഷകളോ പഠിക്കാൻ സാധിക്കും
Continue Reading
തിരുവനന്തപുരം: സംസ്ഥാനത്ത് ഇന്ന് ഉയർന്ന കടൽക്ഷോഭത്തിനു സാധ്യതയുണ്ട്. മത്സ്യ തൊഴിലാളികൾ ജാഗ്രത പാലിക്കണമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ശക്തമായ കാറ്റും മഴയുമായി മോശം കാലാവസ്ഥയാണ് പ്രതീക്ഷിക്കുന്നത് അതുകൊണ്ട് ഇനി ഒരു അറിയിപ്പ് ഉണ്ടാകുന്നതുവരെ കേരള തീരത്തു നിന്ന് കടലിലേക്ക് പോകരുതെന്നാണ് നിർദ്ദേശിച്ചിരിക്കുന്നത്. ബീച്ചുകളിലേക്കുള്ള യാത്രയും വിനോദങ്ങളും പൂർണമായും ഒഴിവാക്കണമെന്നും നിർദ്ദേശിച്ചിട്ടുണ്ട്.
Continue Reading
ചെറുതുരുത്തി: കേരള കലാമണ്ഡലത്തിൽ പ്ലസ് വണ്ണിനുള്ള അപേക്ഷ ക്ഷണിച്ചു. പത്താം ക്ലാസ്സ് വിജയിച്ചതും, 2024 ജൂൺ 1 നു 20 വയസ് കഴിയാത്തതുമായ വിദ്യാർത്ഥികൾക്ക് അപേക്ഷിക്കാം. അപേക്ഷയും വിശദ വിവരങ്ങളും കലാമണ്ഡലം വെബ്‌സൈറ്റിൽ നിന്ന് ഡൌൺലോഡ് ചെയ്ത് എടുക്കാവുന്നതാണ്. അപേക്ഷ സ്വീകരിക്കുന്ന അവസാന തീയതി മെയ് 25 ആണ്. അപേക്ഷ രജിസ്ട്രാറുടെ പേരിൽ തപാലിൽ അയക്കണം. അപേക്ഷകർക്ക് അഭിമുഖ പരീക്ഷ ഉണ്ടായിരിക്കും. പട്ടികജാതി/ പട്ടികവർഗ്ഗ വിഭാഗത്തിൽപെട്ട വിദ്യാർഥികൾക്ക് 2 വര്ഷം ഇളവു ലഭിക്കും.
Continue Reading
കോഴിക്കോട്: കോഴിക്കോട് വെസ്റ്റ് നൈൽ പനി സ്ഥിരീകരിച്ച് ആരോഗ്യവകുപ്പ്. ബേപ്പൂർ സ്വദേശിനിയായ 13 വയസുള്ള പെൺകുട്ടിയാണ് മരിച്ചത്. കോഴിക്കോട് മെഡിക്കൽ കോളേജിൽ ചികിത്സയിലിരിക്കെയാണ് മരണം സംഭവിച്ചത്. മലപ്പുറം, കോഴിക്കോട് ജില്ലകളിൽ വെസ്റ്റ് നൈൽ പനി റിപ്പോർട്ട് ചെയ്തിരുന്നു. വൈറസ് മൂലമുണ്ടാകുന്ന പകർച്ചവ്യാധിയാണ് വെസ്റ്റ് നൈൽ പനി. ക്യൂലക്സ് കൊതുകുകളിലൂടെയാണ് ഇത് മനുഷ്യ ശരീരത്തിലേക്കെത്തുന്നത്. തലവേദന, പനി, പേശിവേദന, തടിപ്പ്, തലചുറ്റൽ, ഓർമ നഷ്ടപ്പെടൽ എന്നിവയാണ് പ്രധാന ലക്ഷണങ്ങൾ.
Continue Reading
കോഴിക്കോട്: കോഴിക്കോട് മെഡിക്കൽ കോളേജിൽ നാലു വയസുകാരിക്ക് അവയവം മാറി ശസ്ത്രക്രിയ ചെയ്ത ഡോക്ടർക്ക് സസ്പെൻഷൻ. സംഭവത്തിൽ ആശുപത്രി സൂപ്രണ്ട് കുറ്റം സമ്മതിച്ചിരുന്നു. കുട്ടിക്ക് നാവിനു പ്രശ്നം ഒന്നും ഇല്ലായിരുന്നു എന്നാണ് മാതാപിതാക്കൾ പറഞ്ഞത്. ഡി എം ഇ യുടെ റിപ്പോർട്ടിന്റെ അടിസ്ഥാനത്തിൽ ഡോ. ബിജോൺ ജോൺസനെയാണ് സസ്‌പെൻഡ് ചെയ്തത്. കുട്ടിയുടെ വായുടെ ഭാഗത്ത് ചോര കണ്ട് നഴ്‌സുമാരോട് അന്വേഷിച്ചപ്പോഴാണ് വായിലാണ് ശസ്ത്രക്രിയ നടത്തിയത് എന്ന് അറഞ്ഞതെന്ന് കുട്ടിയുടെ മാതാവ് മാധ്യമങ്ങളോട് പറഞ്ഞു.
Continue Reading
തിരുവനന്തപുരം: തലസ്ഥാന നഗരിയിൽ കനത്ത മഴയെത്തുടർന്ന് പല സ്ഥലങ്ങളിലും വ്യാപക വെള്ളക്കെട്ട്. കടകളിൽ വെള്ളം കയറിയത് വ്യാപാരികളെ ആശങ്കയിലാഴ്ത്തി. ഇന്നലെ ഉച്ച കഴിഞ്ഞ് പെയ്‌ത മഴയിലാണ് വെള്ളക്കെട്ട് ഉണ്ടായത്. ശനിയാഴ്ച മുതൽ മഴ കൂടുതൽ ശക്തമാക്കുമെന്നും കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. തിങ്കളാഴ്ച തിരുവനന്തപുരം മുതൽ എറണാകുളം വരെയുള്ള 7 ജില്ലകളിൽ ഓറഞ്ച് അലെർട് ആണ് പ്രഖ്യാപിച്ചിരിക്കുന്നത്. മലയോര മേഖലകളിൽ മഴ തുടർന്നുകൊണ്ടിരിക്കുകയാണ്.
Continue Reading