വയനാട്: താമരശ്ശേരി ചുരത്തിൽ വീണ്ടും മണ്ണിടിച്ചിൽ. കനത്ത മഴയിൽ ചുരം റോഡിലേക്ക് വലിയ പാറകഷ്ണങ്ങൾ വന്നു വീണതു മൂലം ഗതാഗതം തടസ്സപ്പെടുത്തിയിരിക്കുകയാണ്. വയനാട് ലക്കിടിയിലും താമരശ്ശേരി അടിവാരത്തും രാവിലെ മുതൽ യാത്രക്കാർ കുടുങ്ങി കിടക്കുകയാണ്. മണ്ണിടിച്ചിൽ തുടരുന്നതിനാൽ ഇനി ഒരു അറിയിപ്പ് ഉണ്ടാകുന്നതുവരെ റോഡ് പൂർണമായും അടച്ചിടുകയാണെന്ന് കളക്ടർ അറിയിച്ചു.
